Nagpagawas og public advisory ang Department of Tourism Caraga Region mahitungod sa bag-ong iskedyul sa oras sa trabaho sa ilang opisina subay sa Civil Service Commission Memorandum Circular Nos. 6 s. 2022 ug 1 s. 2025.
Sumala sa pahibalo, magsugod sa Lunes, Marso 9, 2026, ipatuman sa ahensya ang compressed four-day work week arrangement aron masiguro gihapon ang epektibong paghatag og serbisyo sa publiko samtang ginapalig-on ang energy conservation ug work-life balance sa mga empleyado.
Ubos sa bag-ong iskedyul, ang opisina sa DOT Caraga mag-operate sa mosunod nga iskedyul:
Working Days: Lunes hangtod Huwebes
Service Hours: Alas-7:00 sa buntag hangtod alas-7:00 sa gabii
Bisan og upat na lamang ka adlaw ang opisyal nga trabahoan, gipatas-an usab ang oras sa serbisyo matag adlaw aron matubag gihapon ang panginahanglan sa publiko ug sa mga stakeholders sa mas sayo nga oras sa buntag hangtud sa gabii.
Gipasiugda sa DOT Caraga nga magpadayon sila sa paghatag og dekalidad nga serbisyo subay sa kampanya nga “Love the Philippines”, alang sa padayon nga pagpalambo sa sektor sa turismo sa rehiyon sa Caraga.
Photo courtesy: DOT- CARAGA
