Gibutyag ni kanhi US boxing champion Floyd Mayweather, nga aduna pa siyay pipila ka away sa dili pa ang iyang gipaabot nga rematch ni Manny Pacquiao. Sumala pa sa 48-anyos nga si Mayweather, nga iyang makalaban si Mike Tyson sa usa ka exhibition match.
Mahitabo ang ilang away sa 59-anyos nga kanhi heavyweight boxing champion karung umaabot nga bulan sa Abril 25.
Paghuman sa duha ka bulan, makalaban usab niya si Greek kickboxer nga si Mike Zambidis sa usa ka exhibition fight sa Hunyo sa Athens, Greece.
Kahinumduman, ang 45-anyos nga Zambidis maoy 18-time world champion kinsa miretiro nga adunay rekord nga 157 ka daog ug 24 ka pildi sa kickboxing.
Magsilbing warm-up ang duha ka exhibition fights ni Mayweather, alang sa umaabot nilang showdown ni Pacquiao sa Septyembre 19.
