Na comatose karon ang boksidor nga si Jordan “Tuklaw” Atlao human naaksidente atol sa iyang sparring session didto sa Butuan City.
Nangandam ang boksidor, nga lumad gikan sa Claveria, Bukidnon, alang sa iyang umaabot nga away sa Japan karong Mayo sa dihang nahitabo ang aksidente. Sumala sa report, kalit lang kining nawad-an og panimuot sa tunga-tunga sa iyang pakig-sparring.
Dali kining gidala sa balay tambalanan ug hangtod karon nagpabilin pa kining walay malay.
Si Atlao duna’y record nga unom ka daog ug usa ka pilde, diin lima niini pinaagi sa knockout. Sukad niadtong 2024, nakatala siya og tulo ka sunod-sunod nga kadaugan sa iyang career.
Photo courtesy: Jordan Padernal Atlao/Facebook
