Dakpan ang giilang Top 1 Municipal Most Wanted Person pinaagi sa gipahigayon nga law enforcement operation sa kapulisan sa Sitio Guingang, Brgy. Guibo, Siayan, Zamboanga del Norte niadtong nakalabay nga adlaw.
Giila ang dinakpan nga si Delo Sunggaran Tinda, 42-anyos, minyo, mag-uuma ug residente sa nasangpit nga dapit.
Gisikop ang akusado pinasikad sa warrant of arrest sa kasong Murder nga gipagula sa Family Court 9th Judicial Region, Branch 05, Sindangan, Zamboanga del Norte pinetsahan ug Hulyo 24, 2025 nga walay girekomendang pyansa.
Gilusad sa mga personahe sa Siayan Municipal Police Station (MPS) Tracker Team ang maong operasyon. Ang akusado nakakustudiya na sa Siayan Municipal Police Station alang sa tukmang disposisyon.
Photo Courtesy: Siayan MPS
