Herido el un hombre despues este queda victima de incidente de tiro que ya ocuri na apuera mismo su casa na brgy de Curuan poblacion ayer noche dia de martes.
El victima ya conose como si John Mark Bait Mahinay, 20-anyos el edad residente del mencionao brgy. Na report ta aparece dos desconosido abordo na un motorsiklo el y sin provocation ya repica con este de tiro.
Ya puede pa corre el victima adrentoy casa, ademas ya sustene este herida na pierna que donde enseguidas con este ya lleva corre na hospital para el tratamiento medical.
Mientrastanto ta continua el investigacion dle maga otoridad para el posible aresto del suspechao y el motibo del crimen.
