Nagpahayag og kabalaka ang grupo sa mga negosyante sa nasod tungod sa dakong epekto nga madala sa nagpadayong gyera sa Middle East. Sumala sa Philippine Chamber of Commerce and Industry (PCCI), usa sa mga nag-unang epekto mao ang pagsaka sa presyo sa krudo tungod kay ang Pilipinas nagsalig man sa Middle East alang sa suplay sa lana.
Gipasabot usab sa grupo nga tungod sa maong kagubot, posible nga mosaka ang inflation o ang presyo sa mga palitonon, nga makaapekto pag-ayo sa “purchasing power” o katakos sa pagpalit sa mga ordinaryong Pilipino.
Giawhag usab sa Federation of Philippine Industries (FPI) ang kagamhanan nga sigurohon nga adunay saktong suplay sa mga nag-unang kinahanglanon. Ilahang gisugyot usab ang pagbaton og “buffer stocking” ug ang hugot nga “price monitoring” aron malikayan ang sobra nga pagsaka sa presyo sa mga palitonon taliwala sa krisis nga nasinatian.
Photo Courtesy: CoinGeek
