Misaka sa 2.7% ang delivery sa isda sa bulan sa Enero karong tuiga kumpara sa natala sa miaging 2025 sumala sa gipagawas nga datus sa Philippine Fisheries Development Authority (PFDA), usa ka government agency nga naka attach sa Department of Agriculture.
Sa kinatibuk-an anaa sa 40,459.91 metric tons (MT) sa isda ang na deliver ngadto sa mga regional ports mas taas kini ug 2.70-percent gikan sa 39,399.10 MT sa miaging tuig.
Sa General Santos Fish Port Complex nakatala ug 24,907.81 MT nga na deliver o 61.56 percent ang total volume sa tanang pantalan mas mitaas kini gikan sa 15,161.37 MT sa miaging tuig.
Samtang sa Navotas, nakatala ug 14,843.10 MT, miubos gikan sa 19,120.85 MT sa 2025. Iloilo, nakatala ug 1,749.69 MT mitaas gikan sa 1,591.91 MT sa 2025.
Sa samang bahin ang Davao maoy nakatala ug pinakataas sa 274.17-percent o 1,719.23 MT gikan sa 459.47 MT sa miaging tuig.
Lucena naka deliver ug 1,601.64 MT, misaka ug 0.58 percent gikan sa 1,592.37 MT, Bulan nakatala ug 1,040.90 MT, mas ubos sa natala nga 1,126.55 MT sa 2025.
Sa Zamboanga, nakatala ug 425.46 MT mitaas sa 22.80 percent kumpara sa 346.47 MT sa 2025.
Sumala pa sa ahensya ang mga regional fish ports padayon nga naghimo sa il;ang makaya sa paghatud sa igong supply sa isda alang sa mga kliyente ug stakeholders, ilabina sa pagbukas sa fishing season sa Zamboanga Peninsula, Northern Palawan, ug sa Visayan Sea waters.
Photo courtesy: abante
