Taliwala sa pagmugna og composite team nga nakatutok sa pagpangdakop sa mga nagagamit og modified muffler kon bura-bura, nagapadayon gihapon kini nga problema nga nakadalag kahasol ug disturbo sa mga residente dinhi sa dakbayan sa Cagayan de Oro.
Atol sa special report ni Konsehal Roger Abaday, kinsa chairman sa committee on Public Order and Safety nga dili paigo nga magsige nalang og pangdakop.
Alang kaniya, angayan nga ma-regulate ang pagpamaligya sa mga open pipe o modified muffler aron nga maminusan sab ang makagamit niini. Matod sa konsehal, nga kini nga problema dili lang kutob sa kalsada apan sa mismong supply ug paghimog modified muffler.
Tungod niini, gihingusgan sa Konsehal ang pagmugna og ordinansa isip tabang sa pagsolbad niini nga problema nga nagdalag labad sa ulo sa mga katawhan.
Photo courtesy: Cagayan de Oro City COuncil
