Pormal na nga gibuksan ang Fire Prevention Month karong bulan sa Marso, diin gipahigayon sa Cagayan de Oro Fire District ang usa ka Caravan isip paghatag og pahimangno sa mga lumulupyo nga mag amping batok sa sunog.
Kahibaloan nga base sa pagtuon sa BFP, matag bulan sa Marso taas ang kaso sa sunog rason nga gipahugtan pa nila ang ilang kampanya.
Sumala pa ni FSINSP. Kyle Bryan Lauzon, ang Hepe sa operations branch sa CDO Fire District nga sa nakalabay nga tuig anaa sa kapin 200 ka kaso sa sunog ang natala sa Dakbayan, apan ilahang paningkamutan nga maminusan na kini karung tuiga.
Photo courtesy: Cagayan de Oro City Information Office
