Wala pa nawagtang sa kategorya nga ” Red Zone” ang lungsod sa Dimataling sa hilisgutanang African Swine Fever (ASF) sa tibook lalawigan sa Zamboanga del Sur as of Jan 26, 2026.
Matod ni Isagani F. Templanza III, Insurance Underwriter I Marketing and Sales Division sa PCIC Region 9, kini na lang ang nag-inusarang lungsod sa lalawigan nga wala pa nila gidawat kon may mga hog raisers nga magpasiguro sa ilang mga binuhing baboy.
Sumala kaniya, ang pagpabilin sa usa ka lugar ubos sa “Red Zone Category” nagpasabot nga dili pa gihapon luwas ang mga hayupan sa hulga sa African Swine Fever.
Dungan niini, gipahinumduman ni Templanza ang mga mag-uuma nga magpadayon sa pagsunod sa biosecurity measures aron malikayan ang pagkabaton ug mga sakit sa baboy.
Giawhag usab niya ang ang mga hog raisers nga magpalista ug magpasiguro sa ilang mga hayop aron adunay proteksyon batok sa posibleng kapildihan sa umaabot nga panahon.
