Patay ang usa ka Tricycle Driver human kini gipusil sa wala panganli nga suspetsado sa Purok 1, Barangay Tapodoc, Labangan, Zamboanga del Sur, Pebrero 25, 2026.
Ang biktima nga nagpangidaron ug 21-anyos gikatahong naka-angkon ug samad pinusilan sa walang kamot ug dughan nga maoy hinungdan sa iyang hinanaling kamatayon.
Gamit matod pa sa suspetsado nga taga Barangay Lower Sang-an, Labangan, Zamboanga del Sur ang usa ka unit sa kalibre 45 nga pistola nga misibat ra usab dayon human sa hitabo.
Atol sa crime scene processing, na-recover sa Provincial Forensic Unit ang usa ka slug sa gituohang kalibre 45 nga pistola nga posibleng gigamit sa suspetsado sa pagpamusil.
Naglusad na ug follow-up investigation ug hot pursuit operations ang Labangan Municipal Police Station personnel alang sa dinaliang pagsikop sa supetsado.
Photo Courtesy: PD ZSPPO, PRO 9
