Gidakop sa kapulisan ang usa ka public school teachers sa gihimong buy-bust operation niadtong buntag sa Pebrero 24, 2026, sa Purok 5, Barangay Patin-ay, Prosperidad, Agusan del Sur.
Gipangulohan ang operasyon sa PDEA RO 13 Agusan del Sur Provincial Office kauban ang Prosperidad Municipal Police Station. Giila ang mga nadakpan nga suspek isip high-value targets tungod sa iyang posisyon sa komunidad ug potensyal nga impluwensya sa mga estudyante.
Nasakmit sa operasyon ang usa ka heat-sealed sachet sa giingong shabu nga nagkantidad og kapin sa ₱2,000. Lakip sa mga nakuha nga butang gawas sa droga mao ang kwarta alang sa buy-bust, usa ka itom nga HONOR android phone, ug PRC identification card.
Ang nadakpan nga magtutudlo karon nag-atubang og kaso ubos sa Section 5, Article II sa RA 9165.
Photo courtesy: PDEA 13
