Nasikop sa mga personahe sa Tagum City Police Station ang usa ka suspek nga Street Level individual atol sa gikasang drug buy-bust operation bandang alas 3:22 sa kadlawon, Pebrero 25, 2026, sa Barangay Mankilam, Tagum City.
Giila ang dinakpan nga si alyas Den-Den usa ka Street Level Individual, 32-anyos, single, ug residente sa Purok Pioneer, Brgy. Mankilam sa syudad.
Sa report sa kapulisan, napalitan sa poseur-buyer ang suspetsado og duha ka heat-sealed transparent plastic sachet nga adunay sulod nga gituohang shabu, gamit ang usa ka Php500 nga buy-bust money ug 22 ka machine-copied nga Php1,000 bills.
Narekober usab gikan sa iyang posesyon ang unom pa ka heat-sealed transparent plastic sachet nga adunay sulod sa susamang gituohang shabu, usa ka itom nga coin purse, ug usa ka itom nga sling bag. Ang nakumpiskang ilegal nga droga adunay gibana-banang timbang nga 8 ka gramo ug nagkantidad sa mokabat sa Php54,000.00 base sa standard drug price.
Ang suspetsado karon anaa sa kustodiya sa Tagum CPS kinsa mag-atubang og kasong paglapas sa Sections 5 ug 11, Article II sa RA 9165 kon Comprehensive Dangerous Drugs Act of 2002.
Photo Courtesy:Tagum CPS
