Sa usa ka gamay nga baryo sa kabukiran sa Vaalserberg, Eyserbosweg sa Netherlands , adunay hitabo nga hangtod karon gihisgutan ang pag-ulan nga isda.
Usa ka hapon nga kalit miitom ang langit, mikusog ang hangin ug adunay naglibot nga panganod. Sa kalit, dili tubig ang unang nahulog kondili buhing mga isda.
Ang tilapia ug gagmayng hasa-hasa nangatagak sa atop ug sa yuta, nagkurog pa samtang ang mga bata midagan sa kahinam ug kahadlok.
Sa tinuod, adunay siyentipikong pasabot ang waterspout makasuyop og isda gikan sa dagat o suba ug mahulog kini uban sa ulan sama sa nahitabo sa Yoro nga adunay “Lluvia de Peces.”
Apan ang kahibulongan sa baryo mao nga layo man sila sa dagat. Ang pinakaduol nga tubig usa ra ka gamay nga sapa. Mas katingalahan pa, ang ubang isda presko kaayo ug walay lapok, mura’g bag-ong kuha sa tin-aw nga dagat.
Ang mga magtutudlo miingon nga posible kini tungod sa kusog nga buhawi nga gikan sa baybayon sa Bloemendaaldiin nahimotang pipila ka kilometro sa ilang lungsod. Apan ang mga tigulang nagtuo nga pahimangno kini sa kinaiyahan.
Bisan adunay siyentipikong rason, sa matag kusog nga ulan, motan-aw gihapon sila sa langit basin mosunod na usab ang isda.
Photo Courtesy: Texas Monthly
