Nakadawat og bag-ong Information and Communications Technology (ICT) equipment ang Surigao del Sur Police Provincial Office (SDSPPO) gikan sa Police Regional Office 13 (PRO13) isip kabahin sa padayong modernisasyon sa kapulisan sa rehiyon.
Ang turnover ceremony gipahigayon sa Conference Room sa Camp Vicente L. Pimentel Sr. sa Brgy. Telaje, Tandag, diin mitambong ang mga opisyal sa PRO13 ug SDSPPO lakip ang mga Chiefs of Police sa nagkalain-laing estasyon sa probinsya.
Lakip sa mga ekipo nga gipanghatag mao ang mga scanner, printer, webcam nga adunay tripod, ug biometric fingerprint scanner nga gamiton sa pagpalig-on sa administrative work, pagpaayo sa reporting system, ug pagpadali sa imbestigasyon sa mga kaso.
Sumala sa PRO13, ang maong inisyatibo kabahin sa modernisasyon nga nagtumong sa mas paspas nga responde sa kapulisan, mas episyenteng pagproseso sa dokumento, ug mas maayong serbisyo alang sa katawhan sa Surigao del Sur.
Photo courtesy: PRO13
