Gipahibalo sa mga opisyal sa Mexico nga mokabat sa 73 ka mga tawo ang namatay sa operasyon sa mga otoridad human sa pagsikop sa lider sa Jalisco New Generation Cartel (CJNG).
Ang ihap sa mga namatay naglakip sa mga miyembro sa pwersa sa seguridad, gidudahang sakop sa kartel ug uban pang mga indibidwal. Samtang wala na usab naghatag ug dugang detalye ang mga otoridad kabahin sa maong insidente.
Sumala sa mga opisyal nga human sa pagkamatay ni Nemesio Oseguera Cervantes o mas nailhan sa alyas nga “El Mencho,” misunod gilayon ang mga bangis nga pagtubag lakip na ang pagbabag sa mga kadalan, pagsunog sa mga sakyanan ug paghasik ug kahadlok sa nagkalain-laing mga lugar.
Kahibaloan nga si Cervantes giila isip usa sa labing impluwensyal nga personalidad sa organisadong krimen ingon man nailhan usab nga drug lord sa nasud.
