Nakurat ang mga staff sa usa ka ospital sa Gesundheit Nord sa Bremen, Germany, human adunay kalit nga walk-in patient nga usa ka cormorant nga nangayo ug tabang. Nagtoktok ang langgam sa pultahan sa emergency room nga daw adunay appointment sa doktor.
Wala kini nabantayan ug nibalhin pa sa second entrance ug determinado kaayo ang maong langgam nga magpatabang. Nasayran nga naay kaw-it sa pangisda nga naipit sa iyang ubos nga bahin sa tuka.
Hinungdan nga mitawag og veterinarian, ug cooperative kaayo ang langgam nga murag nakahibalo sa proseso.
Gioperahan kini ug natangtang ang kaw-it, ug wala nay laing samad. Human sa successful operasyon, gibalik kini sa kalasangan.
Photo Courtesy: Phys.org
