Viral karun sa social media ang usa ka babaye sa France human nga mapasigarbuhon siyang naglingkod tupad sa usa ka robot nga iyang giingong hinigugma.
Sumala sa report nga plano ni Lilly nga pakaslan ang maong robot nga gitawag nga InMoov kung ugaling tugotan siya sa balaod sa France.
Gani, gitawag ni Lilly ang iyang kaugalingon nga “robosexual” ug matod pa mas nabati niya ang tinuod nga kalipay ug koneksyon sa mga makina kaysa sa mga tawo.
Ang maong pahayag nakapukaw ug nagkalain-laing reaksyon sa mga netizens ug adunay mga kritisismo.
Sa pagkakaron wala pa gitugotan sa balaod sa France ingon man sa kadaghanang mga nasud ang pagpakasal sa tawo sa usa ka robot.
Photo Courtesy: Oddity Central
