Gipabayad ug penalty sa Securities and Exchange Commission ang usa ka online lending app tungod dili maayo ang pagpaningil niini ngadto sa mga kliyente pinaagi sa pagpanghulga ug pagpanghadlok, ang maong lending app mao ang ang Pesocash, nga gipadagan sa Myloan Lending Investors Inc..
Sumala sa Securities and Exchange Commission, kini na ang ikaduhang higayon nga nasakpan ang kompanya nga sa paglapas sa Financial Products and Services Consumer Protection Act. Gikaingon nga usa ka borrower ang nagreklamo nga nakadawat siya og mga mensahe nga nanghadlok kaniya ug naghulga nga kontakon ang iyang emergency contacts ug employer tungod sa utang, samtang gikabutyag usab nga ang third-party collection agency gapangilad kaniya.
Dugang sa SEC nga kini dili ordinaryo nga pahimangno, kondili pagpamugos nga paagi aron makabayad ang kliyente tungod sa kahadlok ug pagdaot ngadto sa maong borrower. Giklaro sa SEC nga bisan paman ug dili makabayad ang borrower sa iyahang utang, dili kini pwede nga hadlukon, insultohon, o hulga-on aron lang sa pagkolekta.
Gimando usab sa SEC ngadto sa borrower nga bayaran na ang utang sa maong lending app. Kalabot niini, gilatid sa balaod nag dili pwede ang abusado ug dili matarong nga pagpaningil sa utang sama sa pagpanghulga, intimidation, pagpanglupig, pagkontak sa mga tawo gawas sa guarantors o co-makers, ug paggamit sa bastos o insulto nga sinultian.
Photo Courtesy:Joann
