Patay ang usa ka senior citizen nga human kini gidunggab sa usa ka 18-anyos nga lalaki sulod mismo sa ilang panimalay sa Purok Baluno, Barangay Kalian, Margosatubig, Zamboanga del Sur, niadtong nakalabay nga adlaw.
Sa imbestigasyon sa kapulisan, kalit lang nga gidunggab sa suspetsado ang babayeng biktima igo sa may tangkugo sulod sa ilang balay apan sa dihang misulay pag-ulang ang 60-anyos nga lalaki apil usab kini nga nadunggaban.
Ang duha ka mga biktima dali gidala sa Margosatubig Regional Hospital, apan gideklara sa medical staff nga wala nay kinabuhi ang babayeng biktima, samtang luwas ra usab sa kahimtang ang lalaking biktima.
Samtang naglusad usab dayon ug hot pursuit operation ang Margosatubig Municipal Police Station aron pagdakop sa suspetsado nga residente ra usab sa nahisgutan nga barangay.
Ang suspetsado sa karon nakakustudiya na sa Margosatubig Municipal Police Station diin padayon pa ang imbestigasyon aron masuta ang motibo sa suspetsado sa paghimo sa krimen.
Photo Courtesy: PPIC
