Gibutyag sa sa Bangko Sentral ng Pilipinas (BSP) adunay pagsaka sa remittances gikan sa overseas Filipino workers (OFWs), niadtong Disyembre 2025.
Basi sa datus gikan sa BSP nga misaka ang remittances sa OFW ngadto sa 4.2 porsiyento year-on-year ngadto sa USD 3.52 bilyon kadaghanan tungod sa taas nga inflows gikan sa land-based workers.
Dugang pa ang performance sa Disyembre nagdala sa kinatibuk-ang cash remittances alang sa 2025 ngadto sa rekord nga USD35.63 bilyon, mas taas og 3.3 porsiyento kumpara sa USD34.49 bilyon niadtong 2024.
Ang inflows gikan sa land-based workers miabot sa USD2.83 bilyon niadtong Disyembre, misaka og 4.5 porsiyento kumpara sa miaging tuig, samtang ang remittances gikan sa sea-based workers misaka og 3.3 porsiyento ngadto sa USD0.69 bilyon.
Alang sa tibuok tuig, ang land-based workers nagpadala og USD28.49 bilyon pinaagi sa mga bangko ug BSP-regulated financial institutions, misaka og 3.4 porsiyento. Ang sea-based workers nagpadala og USD6.94 bilyon, mas taas og 2.9 porsiyento year-on-year.
Photo courtesy: asianews.network
