Usa ka innovator gikan sa Nairobi, Kenya ang nakadani og atensyon human kini magbaligya og internet pinaagi sa Wi-Fi router nga iyang gisul-ob sa helmet.
Ang maong indibidwal nga nailhan nga si Martin Namasaka naghatag og 4G ug 5G internet access sa mga katawhan samtang naglihok sa nagkalain-laing lugar sa syudad.
Kini nga ideya mitabang kaniya nga makapundar og kaugalingong panginabuhian gikan sa kakulang sa trabaho, samtang naghatag usab og abot-kayang internet sa komunidad.
Nagpakita kini nga ang pagkamamugnaon ug determinasyon mahimong dalan padulong sa bag-ong oportunidad ug kalampusan.
Photo Courtesy: TOP10s
