Napuhag sa Philippine Drug Enforcement Agency Regional Office 9 pinaagi sa Zamboanga del Sur Provincial Office (PDEA-ZDS PO) ang usa ka drug den sa gilusad nga drug buy-bust operation sa Purok Bagong Silang, Barangay Sta. Lucia, Pagadian City, niadtong nakalabayng adlaw.
Sa maong operasyon, unom ka mga high-value individuals ang nadakpan ug nabawi ang napulo ka gramo sa gituohang shabu nga adunay standard drug price nga mokabat sa Php68, 000, 000.00.
Lakip sa nakumpiska sa operatiba ang buy-bust money, mobile phone ug lain-laing mga drug paraphernalia. Ang mga nadakpan nga indibidwal giila nga sila si alyas “Chowking”, “Joecel”, “Felix”, “Clint”, “Jomar” ug “Evert”.
Atubangon sa mga dinakpan ang kasong may kalabutan sa paglapas sa Sections 5, 6, 7, 11, ug 12 sa Republic Act No. 9165 o Comprehensive Dangerous Drugs Act of 2002.
Photo Courtesy: PDEA- Zamboanga Peninsula
