Gipadayag sa batikang aktor nga si Albert Martinez nga posibleng hapit na matapos ang iyang papel isip Roberto Guerrero sa serye nga FPJ’s Batang Quiapo.
Sa usa ka pakighinabi atol sa premiere night sa pelikulang The Lotto Winner, giingon sa aktor nga human sa iyang mga proyekto, plano niyang mopahuway una ug maggahin panahon uban sa iyang pamilya.
Sumala ni Albert, gusto niyang mas suod ang iyang relasyon uban sa iyang mga anak ug labi na sa iyang mga apo.
Dugang pa sa beteranong aktor, nagtuo siya nga aron mobalik ang mga manan-aw sa sinehang Pilipino, kinahanglan nga mas mahimong mamugnaon ang mga istorya ug maghatag og mga sugilanon nga tinuod nga makatandog sa kasingkasing sa mga Pilipino.
Photo courtesy: Albert Martinez/ Facebook
