Patay diha-diha dayon ang duha ka angkas sa motorsiklo samtang samaran ang driver sa usa ka single motor nga nadisgrasya sa Purok Lumboy, Barangay Pantad, San Pablo, Zamboanga del Sur, niadtong nakalabay nga adlaw.
Sa inisyal nga imbestigasyon sa kapulisan, gimaneho sa usa ka 22-anyos nga taga Pagadian City ang usa ka Honda Click color gray sakay ang 17-anyos nga lalaki nga taga Pagadian ug ang 23- anyos nga taga San Pablo.
Sa wala pa mahitabo ang disgrasya, ang maong mga biktima gikaingong mitambong pa una usa ka family reunion og nag-inom sa ilimnong makahubog og gitaho nga paingon unta sa usa ka beach nga nahimutang sa Barangay Buton, San Pablo.
Apan, samtang sila nagbyahe gikaingong kusog nga nagpadagan ang driver sa single ug motor apan aksidente kini nga nawad-an ug control hinungdan nahulog sa canal sa nasangpit nga lugar ang motor ug nalabay ang tanang sakay.
Ang duha ka mga angkas gideklara sa miatimang doctor nga dead on arrival samtang ang driver gi-refer na ngadto sa Pagadian alang sa dinaliang medikasyon.
Photo Courtesy: PD ZSPPO, PRO 9
