Kung naghunahuna ka nga kinahanglan ka moadto og cosmetic clinic aron mausab ang imong hitsura, basin malingaw ka ani nga balita gikan sa South Korea.
Usa ka batan-ong Koreano ang nag-viral human giingong nakab-ot niya ang drastic physical transformation—ug dili pinaagi sa plastic surgery—kundi pinaagi lang sa makeup, hairstyle, ug lifestyle changes.
Gipakita ang iyang istorya sa TVN’s Kim Chang Ok Show 4, diin ang iyang igsoon mitungha aron ipadayag ang kabalaka sa pamilya. Matod pa niya, lahi na kaayo ang nawong sa iyang igsoon kumpara sa mga litrato kaniadto—murag lain na gyud nga tawo.
Ang batan-ong lalaki miangkon nga para kaniya, “mas importante ang physical appearance kaysa credentials.” Apan klaro niyang gisulti nga wala siya nagpa-retoke. Ang iyang sekreto? Pagbag-o sa diet, pag-ayo sa buhok, ug pagkat-on og sakto nga pag-makeup.
Giingon usab niya nga nagsugod ang tanan tungod sa kasinatian sa eskwelahan, diin ang iyang crush misulti kaniya og, “Masakiton ka?” Ug human usab makasinati og kapakyasan sa job applications nga iyang giingong posibleng tungod sa iyang hitsura, nakadesisyon siya nga magbag-o.
Karon, inspirado siya nga maangay ang dagway sa usa ka K-pop idol nga si Wonbin sa grupong RIIZE.
Sa nasod nga ilado sa cosmetic surgery, usa siya sa nag-ingon nga dili scalpel ang solusyon—kundili concealer ug conditioner. Busa kung gusto ka og bagong itsura, basin dili clinic ang imong adtoan—kundili salon ug makeup tutorial.
Photo Courtesy: TIKTOK
