Gihatagan og prayoridad ni Presidente Ferdinand Marcos Jr. ang pagpalambo sa industriya sa lubi aron mapalig-on ang produksyon ug ang panginabuhi sa mga coconut farmers sa tibuok nasud.
Gihimug-atan sa president sa ikatulong Legislative-Executive Development Advisory Council diin giaprobahan ang 21 priority bills sa administrasyon lakip ang Coconut Farmers and Industry Trust Fund Act.
Matod ni Palace Press Officer Claire Castro, nga importanteng sektor ang industriya sa lubi sa ekonomiya sa bansa, labi na nga lakip ang Pilipinas sa labing dako nga producer ug exporter sa lubi sa tibuok kalibutan.
Niadtong tuig 2024, niabot sa 14.77 milyong metriko tonelada ang produksyon sa lubi sa nasud, hinungdan nga nahimong ikaduha ang Pilipinas sa tibuok kalibutan sunod sa Indonesia.
Nunot niini, gilauman ang padayon nga suporta sa kagamhanan sa industriya sa lubi diin moresulta sa mas taas nga sa mga magniniyog ug mopalig-on sa posisyon sa Pilipinas sa pangkalibutang merkado sa agrikultura.
Photo Courtesy: Pinterest
