Gikonsidera sa Department of Agriculture ang pagpasaka sa taripa sa artificial sugars isip dugang nga lakang aron mapalig-on ang panginahanglan sa lokal nga produksyon sa asukal. Ang plano misunod sa desisyon sa ahensya nga palugwayon ang sugar import ban hangtod sa katapusan sa 2026.
Gipahibalo sa DA nga nahisgutan na ang maong sugyot tali ni Agriculture Secretary Francisco Tiu Laurel Jr. ug Finance Secretary Frederick Go, ug gisugdan na ang pagtuon sa angay nga taripa nga ipatuman. Ang kasamtangang taripa sa artificial sugar anaa sa 5 porsiyento ug giingong dili kaayo dako ang planong pagpasaka niini.
Misaka pag-ayo ang importasyon sa artificial sugar niadtong 2025 nga nakaapekto sa mga projection sa gobyerno bahin sa konsumo ug panginahanglan sa asukal sa nasud. Segun pa nga adunay dakong gidaghanon sa artificial sugar imports nga walay tukmang regulasyon nga nakaapekto sa local market.
Photo Courtesy: Eatingwell
