Natuman na ang dugay nang pangandoy sa aktres nga si Jodi Sta. Maria nga masuroy ang pito ka kontinente sa kalibutan. Sa usa ka Instagram Reel, gipakita ni Jodi ang iyang mga pag-bisita sa lain-laing nasud, kauban ang iyang anak nga si Thirdy Lacson.
Makita sa video ang mga higayon sa ilang pagbakasyon gikan sa dagat hangtod sa kabukiran nga nagpasabot sa kalipay ug panag-uban sa inahan ug anak. Giubanan kini sa mensahe ni Jodi nga, “This little girl once prayed, I hope I get to travel all seven continents. She believed, she kept going, and she did.”
Para kang Jodi, dili lang kini pagbiyahe kundili katumanan sa pagtuo ug paningkamot. Daghang netizens ang mipabot sa pagdayeg ug pagpaabot og pagbati sa inspirasyon, ilabi na sa mga nangandoy usab nga makalibot sa kalibutan.
Usa ka pahimangno nga kung adunay pagtuo ug paningkamot, matuman gyud ang mga damgo.
Photo Courtesy: Smart Parenting
