Usa ka Dutch national ang mibisita sa Pilipinas dili alang sa bakasyon, kondili aron motabang sa mga magtiayon nga naglisod og anak pinaagi sa pagdonar og sperm. Ang nailang donor mao si George, 26-anyos, ulitawo nga taga Netherlands, nagsugod kini sa iyang sperm donation niadtong 2017 ug nakatabang na og lima ka pamilya sa iyang nasud.
Miabot siya sa Pilipinas gamit ang tourist visa ug nagtanyag og libre nga sperm donation, bisan pa man sa giingong boluntaryong tip nga mokabat og ₱200,000 hangtod ₱500,000. Sulod sa upat ka bulan, tulo ka Filipina ang iyang natabangan nga mabuntis pinaagi sa artificial insemination, ug iyang gipamatud-an nga walay nahitabong sexual contact. Karun, padayon ang diskusyon sa publiko bahin sa legal ug ethical nga aspeto sa maong kahimtangan.
Photo Courtesy: American Physiological Society
