Dili pa gihapon maagian ang bahin sa Surigao–Davao Coastal Road sa may Barangay Nurcia, lungsod sa Lanuza, Surigao del Sur human sa paglandslide sa yuta nga mitabon sa dakong bahin sa national highway niadtong nakalabay nga adlaw, atol sa pagkuso-kuso sa Bagyong Basyang sa probinsya.
Sumala sa report, dako nga bahin sa yuta ug debris ang mitabon sa dalan, hinungdan nga naputol ang agianan sa mga sakyanan sa maong lugar.
Padayon sa pagkakaron ang clearing operations nga gipahigayon sa mga kawani sa Department of Public Works and Highways (DPWH) 1st District Engineering Office maintenance section aron dali nga maablihan pag-usab ang maong karsada.
Gi-awhag sa mga awtoridad ang mga motorista nga maglikay sa maong lugar samtang nagpadayon ang clearing operations ug magmonitor sa mga opisyal nga anunsyo alang sa dugang mga update.
Photo courtesy: Thakoy Vlogs
