Wala na kaagwanta pa ang usa ka babayeng Italyana human niini misang-at ug reklamo alang sa diborsyo tungod kay daghan ng katuigan nga kanunay na lamang nga manghilabot ang iyang ugangan nga babaye sa ila nga magtiayon.
Base sa report, nasayran nga sige na lamang matod pa ug balik-balik ang ugangan nga babaye sa pagsaway sa hitsura, lakip na niini ang makeup ug lawas ingon man giakusahan ang biktima nga dili husto ang pagpadako sa ilang anak.
Tungod niini, nakahukom ang babaye sa pagtapos sa ilang kaminyoon ug gi-uyonan usab kini sa iyang bana. Bisan pa man niini, gisalikway gihapon sa Kinatas-ang Korte sa Italya sa Roma ang ilang apelasyon.
Photo Courtesy: Mems Ballew Hollingsworth
