Gipahibalo ni Mayor Roxanne C. Pimentel ang suspensyon sa tanang trabaho sa tanang opisina sa gobyerno ug pribadong establisemento lakip usab ang face-to-face-classes sulod sa teritoryo sa Dakbayan sa Tandag, epektibo karong adlawa, Pebrero 5, 2026, ug magpadayon hangtod sa sunod nga pahibalo.
Ang maong lakang gihimo isip pag-andam ug pagpanalipod sa publiko batok sa posible nga katalagman nga dala sa Tropical Storm “Basyang,” lakip na ang kusog nga ulan ug ang pagpatuman sa Tropical Cyclone Wind Signal No. 2 sa lalawigan sa Surigao del Sur, apil na ang Tandag City.
Giklaro sa City Government nga dili sakop sa suspensyon ang mga opisina ug kawani nga nalambigit sa disaster response, emergency, ug essential services. Gidirektahan usab ang mga pangulo sa nagkalain-laing opisina ug ahensya nga magpabilin og skeletal emergency teams aron masiguro ang padayon nga pagdumala sa kritikal ug calamity-related nga mga operasyon.
Samtang, gihangyo ang publiko nga magpabiling luwas, magmatngon, ug kanunay nga mosubay sa mga opisyal nga pahibalo sa kahimtang sa panahon.
Photo courtesy: City Government of Tandag
