Mihatag og opisyal nga pamahayag si Surigao del Sur Governor Johnny T. Pimentel kalabot sa nahitabo nga ambush niadtong miaging hapon sa Barangay Dughan, lungsod sa Barobo.
Sumala ni Gobernador, nga naila na sa mga awtoridad ang gunman o suspek nga nalambigit sa maong insidente.
Dugang pa niya, usa sa mga gunman residente mismo sa nasangpit nga lugar, base sa impormasyon nga nakolekta sa kapulisan ug intelligence units. Bisan pa niini, gipahayag sa gobernador nga padayon pa ang lawom nga imbestigasyon aron masuta ang tanang detalye sa ambush, lakip na ang motibo ug posibleng ubang kauban sa krimen.
Sa pagkakaron, gitago pa ang identidad sa suspetsado aron dili maapektuhan ang nagpadayong operasyon ug aron masiguro ang hustong pagdakop ug pagpasaka og kaso batok sa mga responsable.
