Nagpagawas og pahimangno sa publiko ang City Disaster Risk Reduction and Management Council (CDRRMC) sa Dakbayan sa Bislig nga ipatuman ang force pre-emptive evacuation sa mga delikadong lugar tungod sa epekto sa Tropical Storm “Basyang.”
Sumala sa pinakabag-ong weather advisory sa DOST-PAGASA, gilauman ang kusog nga ulan nga mahimong mosangpot sa pagbaha ug landslide sa pipila ka bahin sa dakbayan. Busa, epektibo dayon ang maong evacuation ug magpadayon hangtod sa mosunod nga pahibalo sa awtoridad.
Apektado sa evacuation ang mga residente nga nagpuyo sa low-lying areas, flood-prone zones, coastal areas, ug uban pang high-risk nga lugar.
Source: City Disaster Risk Reduction and Management Council (CDRRMC), pinaagi sa Memorandum No. 2026-08, Pebrero 5, 2026
