Gipasigarbo ni Maria Luisa A. Yap, Focal Person for Street Children sa City Social Welfare Development Office (CSWDO) – Iligan, ang kusganong mga lakang nga gihimo sa buhatan aron masumpo ang mga indibidwal nga padayong nagpakilimos sa kadalanan sa syudad.
Matod pa ni Yap, gipatawag nila ang mga lider sa komunidad sa Badjao og gipangutana ngano padayon gihapon nga adunay ilang mga kauban nga nagpakilimos sa kadalanan. Gihimo usab ang imbestigasyon aron masuta kung kini ba mga paryente sa lider, o lumad nga nagpuyo sa dakbayan.
Rason pa niya nga kadtong mga bata nga naghatag og sobre ilaha kining bawion tungod kay wala na kini naghago gawas niadtong nagpamaligya ug mga towel.
Ang CSWDO nagpahimangno usab nga ang syudad padayon nga magpasiugda sa kahimsog ug kaluwasan sa mga kabataan, og ipatuman ang hustong lakang batok sa iligal ug delikadong pamatasan sa kadalanan.
