Gisaka ngadto sa Blue Alert Status sa Regional Disaster Risk Reduction and Management Council (RDRRMC) Region IX ang tibuok Zamboanga Peninsula isip pagpangandam sa matag Local Government Unit (LGU) sa posibleng epekto sa Bagyong Basyang.
Matod ni Office of Civil Defense (OCD) 9 Regional Director Atty. Ruel S. Halanes, sa pagpasaka sa alert status dungan usab nga gipaaktibo tanang response units sa tanang Local Government Units (LGUs) sa Zamboanga Peninsula.
Segon ni Atty. Halanes ang tanang local government units magpadayon sa hugot nga pagmonitor sa kahimtangan sa ilang mga dapit, labi na sa mga flood-prone ug landslide-prone areas, ug maghatag dayon og update sa ilang mga komunidad.
Base matod pa ulahing datos nga gihatag sa PAG-ASA lauman nga matagamtaman ang bagyo sugod karong adlawa, February 5 hangtud ugma February 6 nga posibleng moduol dapit sa Eastern Mindanao section.
Gipahinumduman ni Atty. Halanes ang publiko nga magpabiling alerto, motuman sa mga pahimangno sa lokal nga kagamhanan ug magtan-aw kanunay sa opisyal nga weather updates gikan sa PAG-ASA, tungod sa posibleng epekto sa kusog nga hangin ug ulan, labi na sa mga ubos nga lugar nga daling mabahaan.
