Nagbulag na ang aktres nga si Karina Bautista ug ang iyang kanhing uyab nga Filipino ice hockey player nga si Manny Billones, human gikumpirma kini sa aktres pinaagi sa usa ka emosyonal nga post sa iyang social media.
Sa maong post, nagpasalamat si Karina sa halos tulo ka tuig nilang panag-uban sa iyang ex nga si Billones. Matod pa sa aktres, wala siya’y pagbasol sa ilang relasyon ug giila niya kini isip usa ka kasinatian nga angay hinumdoman.
Bisan wala siya naghatag og dugang detalye kabahin sa rason sa ilang panagbulag, gipakita sa iyang mensahe nga malinawon ug anaa gihapon sa maayong kahimtang ang pagtapos sa ilang relasyon.
Sa pagkakaron, wala pa’y pahayag si Manny Billones kabahin sa maong panagbulag.
Photo Courtesy: Inquirer.net
