Napalgang patay ang usa ka tarsier sa umahan sa Purok 4, Barangay Katipunan, Mlang, Cotabato, niadtong Enero 28, 2026.
Ang pagkadiskobre sa mga endangered species nakahatag og kabalaka ug nagsilbi nga pasidaan sa komunidad kalabot sa presensya sa ubang mga tarsier nga gituohang nagtago sa palibot sa lugar.
Tungod sa maong insidente, hugot nga nipasidaan ang mga awtoridad ug mga eksperto batok sa paghawid o pagpanakop sa mga tarsier tungod sa pagkadelikado niini.
Kini nga mga hayop nahibal-an nga daling mamatay kung makasinati og sobra nga kapit-os o kung gikulong ug gidumala sa mga tawo.
Giawhag ang publiko nga i-report dayon sa Department of Environment and Natural Resources (DENR) ang bisan unsang makita nga buhi nga tarsier aron masiguro ang ilang kaluwasan ug mapreserbar ang ekolohiya sa probinsiya.
