Dakpan ang usa ka drug suspect pinaagi sa gipahigayon nga drug buy bust operation sa kapulisan sa Barangay Miputak, Dipolog City, Zamboanga del Norte ug nasakmit ang mokabat sa Php136,000.00 nga kantidad sa shabu niadtong Enero 28 ning tuiga.
Giila ang dinakpan nga si alyas Beroy, 45 anyos, minyo, kusinero sa us aka restaurant ug residente sa Poblacion North, Piñan, Zamboanga del Norte.
Nasakmit gikan sa dinakpan ang 1 ka gamay nga pakete sa shabu nga nagsilbing buy-bust item ug ang 500 peso bill nga buy-bust money.
Dugang nasakmit gikan sa iyang posisyon ang 2 pa ga gagmay nga pakete ug 4 ka dagkong pakete sa shabu, usa ka coin purse nga nagsilbing container ug ang driver’s license niini. Mokabat sa 20 gramos ang kinatibuk-ang gibug-aton sa nasakmit nga druga.
Tingkagol na sa selda sa Dipolog City Police Station ang dinakpan ug mag-atubang sa kasong paglapas sa RA 9165 kon Comprehensive Dangerous Drugs Act of 2002 samtang ang mga nakumpiska nga mga ebidensya ang giturnover ngadto sa Zamboanga del Norte Provincial Forensic Unit alang sa eksaminsayon.
