Na challenge si Barbie Forteza sa shooting sa pelikulang Until She Remembers tungod kay walay gigamit nga script ang production team ubos sa direksyon ni Brillante Mendoza.
Matod sa Kapuso Primetime Princess, lahi kaayo ang ilang kahimtang sa set kumpara sa naandan niyang mga proyekto. Giingon ni Barbie nga kasagaran one take ra gyud ang ipabuhat sa beteranong direktor, busa kinahanglan andam ug natural ang iyang reaksyon sa matag eksena.
Tumong ni Mendoza nga makuha ang tinuod nga emosyon sa mga artista, sama sa mahitabo sa tinuod nga kinabuhi.
Sa maong pelikula, gidala ni Barbie ang karakter nga si Angel, usa ka teenager nga puno og emosyon ug personal nga kasinatian.
Ipasalida sa mga sinehan ang maong pelikula sugod Pebrero 25nga gibidahan usab nila Charo Santos-Concio ug Boots Anson Roa-Rodrigo, lakip na sina Eric Quizon, Vince Rillon, Angel Aquino ug Albert Martinez.
Photo courtesy: Pep.ph
