Balhog na sa prisohan ang usa ka indibidwal human nga nadakpan sa mga otoridad atol sa giptumang intelligence-driven operation didto sa Brgy. Central, Mati City, Davao Oriental pasado alas 10:40 sa buntag, Enero 27, 2026.
Ang operasyon gikasa sa mga personahe sa Mati City Police Station nga gipangulohan ni PLTCOL FREDERICK C. SA-AO, Acting Chief of Police nga nagresulta sa pagkasikop sa usa ka lalaki nga gikonsidera nga Top 5 Most Wanted Person sa City Level.
Naaresto ang suspek pinaagi sa pagpatuman sa warrant of arrest alang sa upat ka ihap sa kasong Falsification of Official Documents by a Private Individual nga giisyu ug gipirmahan sa korte ug adunay pyansa nga girekomendar nga mukabat sa Php 36,000.00 mil ka pesos matag usa alang sa iyang temporaryong kagawasan.
Sa pagkakaron ang dinakpan gikustodiya na sa Mati City Police Station alang sa tukmang disposisyon.
Samtang ang kapulisan sa Mati padayon sa pagpalig-on sa walay hunong nga kampanya batok sa tanang matang sa kriminalidad, ilabina sa pagdakop sa mga wanted person.
Photo Courtesy: Mati CPS
