Usa ka viral nga video sa social media ang usa ka “No Face Live Seller,” diin siya nagsul-ob og full cotton body samtang namaligya og mga sinina online, sa mga netizens.
Sumala sa report, gikan sa pagmodelo ug pag-pose hangtod sa pagsayaw samtang nagsul-ob sa mga produkto, ang mga video sa live seller nga si Jade Velasco “Miss Nofez” sa TikTok, gikahimut-an sa mga netizens tungod sa iyang talagsaon nga pamaagi sa pagbaligya.
Sa usa ka interview, gipasabot sa online seller kung nganong naa siyay “gimmick” nga naka aghat sa mga netizens.
Gawas sa pagka-maulawon atubangan sa kamera. Usa kini sa iyang rason mao nga kini ang iyang estratehiya sa marketing, sahi sa ubang mga online seller.
Maong naka huna-huna siya nga mahimong mannequin. Gawas sa pagbaligya, mosayaw sab siya atol sa live aron dili makalaay tan-awon.
Dako usab ang iyang kalipay sa iyang na huna-hunaan nga gimmick, kay nakahatag usab kinig kahimuot sa mga netizens.
Gawas sa live selling, naa pud siyay negosyo nga wedding gown, samtang nag tungha sa 3rd year college.
