Gipahibalo sa Pensacola Police Department nga usa ka lalaki ang ilang nadakpan sa dihang nasayran nga ang suspek nanagpa ug usa ka babaye nga buntis samtang nanigarilyo.
Base sa report nga mas nisamot pa ang komprontasyon sa dihang gikuha sa suspek ang sigarilyo gikan sa baba sa maong biktima ug gisundan kini sa pagbunal samtang ang babaye naglingkod sa lingkoranan.
Pag-abot sa mga otoridad sa area, ilang nakita personal nga adunay samad bun-og sa lawas ang biktima lakip ang paghubag ug nagdugo nga ngabil nga nagpamatuod sa giingong pagpanakit sa suspetsado.
Sa karun ang dinakpan anaa na sa kustodiya sa kapulisan alang sa hustong disposisyon ug mag atubang ug tukmang kaso.
Photo Courtesy: BALITA
