Gibutyag ni Agnes Clerigo Maingat, Department Head sa Economic Enterprise Development and Management Office (EEDMO), ang tinuod ug detalyadong kahimtang sa kapasidad sa buhatan sa pagkolekta sa abang gikan sa mga negosyante sa syudad sa Iligan.
Kini iyang gipadayag atol sa eksklusibong pakighinabi sa Juander Radyo News Team, diin klaro niyang giingon nga naa na sa “optimal level” ang koleksiyon sa EEDMO, ug 80 million pesos lang ang pinakataas nga kantidad nga mahimo nilang ma-generate matag tuig.
Matod pa ni Maingat, dugay na niyang gipahimangno nga limitado ra ang kapasidad sa buhatan, ilabi na tungod kay karaan na kaayo ug outdated ang mga rate nga gigamit sa pagkolekta, nga nagsugod pa kaniadtong 1993 ug dili na kini angay o tukma sa kasamtangang kahimtang sa ekonomiya.
Nunot niini nagpasalamat usab ang buhatan sa EEDMO tungod kay gihatagan ug 100 million pesos bisan ug 80 million lang ang nakolekta sa buhatan gikan pa sa mga niaging mga katuigan diin ang nakolekta sa EEDMO ang wala matod pa motaas apan wala usab mo-ubos.
