Nabalaka ang Grains Retailers Confederation of the Philippines (GRECON) sa epekto sa hinay nga pag-abot sa mga imported nga bugas paingon ngadto sa mga merkado.
Matod ni Orly Manuntag kinsa ang Spokesperson sa GRECON nga nadisturbo ang daling paggawas sa mga imported nga mga bugas tungod sa grabeng kahuot sa mga pantalan.
Kini human nga masayran nga nidagsa ang mga mamalitay sa imported nga bugas sulod sa Intercity Industrial Rice Mill Estate sa Bocaue, Bulacan, apan naglisod kini sila sa pagpalit bisan og gitugotan na sa Department of Agriculture (DA) nga mag-angkat na pag-usab.
Dugang ni Manuntag nga kung dili masolusyonan ang panahon, posibleng moresulta kini sa palihok sa presyo sa bugas sa merkado.
Dugang niya nga possible kining mosaka gikan sa Php1 hangtud sa Php2 nga taas-presyo sa imported nga bugas.
Samtang nanawagan ang grupo ngadto sa kagamhanan nga hatagan og prayoridad sa Bureau of Customs (BOC) ang pag-abot sa mga imported rice sa nasud.
Sa datos sa GRECON, niabot na sa 450,000 metric tons ang imported rice nga nisulod sa nasud ning buwana, gawas sa 300,000 metric tons nga bugas sab sa buwan sa Pebrero.
Photo Courtesy: GRECON Fb Page
