Kabsan sa kinabuhi ang usa ka lalaki human kini gipusil sa wala mailhing mga suspetsado sa Purok Bundas, Brgy Bagumbayan, Lupon, Davao Oriental pasado ala 1:53 sa hapon niadtong Enero 26, 2026.
Giila ang bitima nga si Joy Racoma Padilla, 62-anyos, minyo, usa ka tenant ug residente ra usab sa maong lugar.
Base sa inisyal nga imbestigasyon sa Lupon Municipal Police Station, nakadawat sila ug tawag gikan sa usa ka concerned citizen kinsa mitaho mahitungod sa shooting incident sa maong lugar ug dali usab kini nila nga girespondihan.
Dugang pa sa report, nga sa dihang pauli na unta ang biktima sa ilang panimalay kalit kining gipusil sa duha ka wala mailhing armado nga sakay sa usa ka blue XRM nga motorsiklo diin misibat ra usab human sa maong kremin.
Nakaangkon ug samad pinusilan ang biktima sa wala nga bukton ug sa wala nga dughan nga nagresulta sa iyang hinanaling kamatayon. Dali pa kining gidala sa Lupon District Hospital alang sa medikal nga pagtambal apan gideklara na kining dead on arrival sa attending physician.
Narekober sa crime scene ang usa ka Bajaj nga motorsiklo nga gimanehu sa biktima ug duha ka fired cartridge sa .45 calibre nga armas.
Sa kasamtangan nagpadayon pa ang mga kapulisan sa ilang imbestigasyon aron nga masuta ang motibo ug responsable sa maong kremin.
