Nasikop sa kapulisan sa Digos City ang usa ka Top 7 City Level Most Wanted Person sa usa ka joint law enforcement operation niadtong Enero 16, 2026, alas 9:11 sa buntag.
Gipangunahan sa Digos City Police Station Warrant Tracker Team, ubos sa liderato ni PLtCol. Norman L. Yparraguirre, OIC sa Digos CPS, ang operasyon nga gisuportahan sa PIT DavSur, RID 11, CIDG DSPFU, 1104th RMFB, 1st DSPMFC, DSPPO Tracker Team, ug 5th SOU Command Group.
Ang suspek giila nga si alyas Roy, 45-anyos, usa ka laborer ug residente sa Purok Caimito, Barangay San Miguel, Digos City.
Gidakop siya pinaagi sa warrant of arrest nga giisyu niadtong Enero 12, 2026 sa kasong Attempted Homicide ubos sa Criminal Case No. 92 (2025) DIG, nga pirmado ni Judge Bambeth Mahal Jambangan Diez sa MTCC Branch sa Digos City.
Ang piyansa alang sa iyang temporaryong kagawasan mokabat sa 36 mil pesos. Atol sa pag-aresto, gipahibalo ang suspek sa hinungdan sa iyang pagdakop ug sa iyang katungod subay sa balaod.
Gipasalig sa Digos City Police Station ang padayong paningkamot sa pagdakop sa tanang wanted persons alang sa kaluwasan sa katawhan ug hustisya sa komunidad.
