Nahilo ang usa ka lalaking Taiwanese tungod sa sobra ka daan na niyang thermos nga gigamita adlaw-adlaw nga pangape.
Ang biktima, nga 50-anyos, halos 20 ka tuig na naggamit sa usa ra ka thermal mug para sa init nga kape adlaw-adlaw. Sa ulahi, nadiskobrehan sa mga doktor nga ang sulod sa iyang thermos nadaot ug nagpagawas og lead, nga misagol sa iyang kape.
Matod sa mga doktor, nagpakita ang lalaki og mga sintomas sama sa kapoy, kalit nga pagkalimot, ug kalit nga kausaban sa panlasa—nga abi niya kulang og asin ang tanang pagkaon. Sa medical tests, nakit-an nga siya nahilo sa lead, nga nakaapekto sa iyang utok, kidney, ug dugo.
Ang kaso gipadayag sa usa ka nephrologist sa Taiwan isip pahimangno sa publiko. Matod pa niya, dili tanan “loyal” nga thermos ang maayo, ilabi na kung daan na ug gigamit para sa acidic nga ilimnon sama sa kape ug juice.
Photo courtesy: Mothership.sg
