Natala sa Guinness World Record si Nala, ang usa ka Siamese-Tabby mix nga iring nga gi-adopt gikan sa animal shelter, nailhan karon isip pinakadato nga iring sa kalibutan, nga adunay gibanabanang kita nga nagkantidad og kapin $100 milyon o ₱5.65 bilyon.
Misikat siya human gihimuan og Instagram account sa tag-iya niadtong 2012 ug nakaangkon og 4.5 milyones ka followers.
Gawas sa social media, si Nala usa usab ka negosyante isip co-founder sa premium pet food brand nga “Love Nala” ug adunay kaugalingong mga produkto.
Ang iyang kalampusan nagpabiling simbolo sa kampanya nga “Adopt, Don’t Shop,” nga nag-awhag sa pag-adopt sa mga hayop gikan sa shelters.
Photo Courtesy: Love, Nala
